ఇప్పటికే జరిగిన ఎన్నో రోడ్డు ప్రమాదాలలో చాలామంది తమ ప్రాణాలను కోల్పోగా..తాజాగా జనగామ జిల్లాలో జరిగిన ఘోర రోడ్డు ప్రమాదంలో భారీ ప్రాణనష్టం చవిచూడవలసి వచ్చింది. రఘునాథపల్లి మండలం గోవర్ధనగిరి దర్గా సమీపంలో ఓ టవేరా వాహనం అదుపుతప్పి డివైడర్ను ఢీకొట్టడంతో ముగ్గురు అక్కడికక్కడే మరణించారు.
అంతేకాకుండా ఈ ఘటనలో మరో నలుగురు తీవ్రంగా గాయపడగా..ఈ ప్రమాదాన్ని గమనించిన స్థానికులు గాయపడిన వారిని హుటాహుటిగా ఆసుపత్రికి తరలించి మెరుగైన వైద్యం అందిస్తున్నారు. అనంతరం సమాచారం తెలుసుకున్న పోలీసులు ఘటన స్థలానికి చేరుకొని విచారిస్తున్నారు. ప్రస్తుతం పోలీసులు ఈ ఘటనపై కేసు నమోదు చేసి దర్యాప్తు చేస్తున్నారు.
