ప్రకృతిలో వివిధ రకాల ఔషధ మొక్కలు ఉంటాయి. పూర్వంలో ఔషధ మొక్కలను ఉపయోగించి ఎలాంటి సమస్యలకైనా ఇట్టే చెక్ పెట్టువారు. అందులో ముఖ్యంగా కలబంద, తులసి, వేప గురించి ప్రత్యేకంగా చెప్పనవసరం లేదు. కానీ మనందరికీ తెలియని విషయం ఏంటంటే..ఇవి కేవలం ఆరోగ్య సమస్యలను తొలగించడమే కాకుండా..చర్మ సౌందర్యాన్ని పెంచడంలో కూడా అద్భుతంగా ఉపయోగపడుతాయని తాజాగా చేసిన పరిశోధనలో వెల్లడయింది.
ముఖ్యంగా వేపఆకులు చర్మ సౌందర్యాన్ని పెంచడంలో అద్భుతంగా ఉపయోగపడతాయి. వేపాకులలో ఉండే పోషకాలు, విటమిన్లు జుట్టు ఎదుగుదలను పెంచడంలో మరియు చర్మాన్ని సంరక్షిస్తూ..చర్మ సమస్యలను దూరం చెస్తాయి. మొటిమలు, మచ్చలు, బర్న్స్, మరియు గాయాల వల్ల ఏర్పడ్డ స్కార్స్ ను త్వరగా మాయం చేయడంలో వేప పేస్ట్ అద్భుతంగా ఉపయోగపడతుంది.
కొన్ని వేపాకులలో పెరుగు వేసి మెత్తని ముద్దగా చేసుకొని కుదుళ్ల నుండి చివర్ల వరకు జుట్టుకు బాగా పట్టించడం వల్ల మంచి ఫలితాలు పొందుతారు. ఇలా వారానికి రెండుసార్లు చేయడం వల్ల ఎలాంటి జుట్టు సమస్యలైనా ఇట్టే తొలగిపోతాయి. ఇంకా వేప ఆకులకు రోజు ఉదయాన్నే తినడం వల్ల మంచి లాభాలు పొందుతారు.