కాలాలకు అతీతంగా దొరికే పండ్లను తింటే ఆ అనుభూతి మాటల్లో చెప్పలేము. ముఖ్యంగా వేసవి కాలం వచ్చిందంటే చాలు మామిడి పండ్లు ఎప్పుడు తినాలా అని ఎదురుచూస్తుంటారు. మామిడి పండ్లు అంటే ఇష్టం లేని వారు ఎవ్వరు ఉండరు. వీటిని జ్యూస్, పచ్చడి అని రకరకాల ఐటమ్స్ చేసుకొని తింటుంటారు. ఈ పండు తినడం వల్ల మన ఆరోగ్యానికి చాలా మేలు చేకూరుతుంది.
మామిడి పండులో విటమిన్లు, ప్రీబయోటిక్ డైటరీ పీచుపదార్థాలు, పాలీ ఫెనోలిక్ ఫ్లేవానోయిడ్ ఖనిజాలు పుష్కలంగా లభిస్తాయి. దీనివల్ల మన శరీరానికి చాలా లాభాలు చేకూరుతాయి. మామిడి పండులో బెటా కెరోటిన్ అనే పదార్దం సమృద్ధిగా ఉండడం వల్ల వ్యాధి నిరోధక శక్తిని పెంచి శరీరాన్ని బలోపేతం చేయడంలో తోడ్పడుతుంది.
మామిడి పండ్లను తినడం వల్ల ఎముకలు విరగడాన్ని నివారించుకోవడమే కాకుండా ఎముక బలాన్ని మెరుగుపరచడంలో అద్భుతంగా తోడ్పడతాయి. అంతేకాకుండా అధిక రక్తపోటు సమస్య ఉన్నవారు వీటిని తీసుకుంటే అద్భుతమైన లాభాలు పొందవచ్చు. మామిడి పండు తినడం వల్ల క్యాన్సర్‌ లాంటి సమస్యలు మన దరికి చేరవు.