ఉసిరికాయ చాలా మంది ఇష్టంగా తింటారు మంచి రుచికరంగా ఉంటుంది, ఇక ఉసిరి పచ్చడి, అలాగే ఉసిరి రైస్, పప్పు, ఇలా ఉప్పుఉసిరికాయ ఊరబెట్టడం ఇలాంటివి కూడా పెద్దలు చేస్తారు, అయితే శీతాకాలం ఉసిరి తింటే చాలా మంచిది, అంతేకాదు ఇలా ఉసిరి తింటే పలు సమస్యలు కూడా తగ్గుతాయి.
ఉసిరికాయలోని విటమిన్ సి మనకు మేలు చేస్తోంది. ఇక జలుబు సమస్యలు కూడా దూరం అవుతాయి.మలబద్ధకం, మధుమేహం వంటి వ్యాధులను తగ్గించడానికి ఉసిరికాయ ఉపయోగపడుతుంది. ఇక నోటి పూత తగ్గుతుంది, నోటి గుల్లలు పూత ఏదైనా సమస్య ఉంటే ఉసిరి తగ్గిస్తుంది.
వారానికి ఓసారి ఉసిరి తిన్నా చర్మ సమస్యలు, జుట్టు రాలే సమస్య తగ్గుతుంది. మన బాడీలో ఉంటే చెడు కొలెస్ట్రాల్ స్థాయిలు నియంత్రించబడతాయి. ఇక వయసు పెరుగుతున్నా శరీరం ముడతలు పడకుండా చేస్తుంది.. రక్తం శుద్ది చేస్తుంది.
అలాగే శరీరంలో రోగ నిరోధక శక్తిని పెంచుకోవడం కోసం ఉసిరి తింటే చాలా మేలు..ఉసిరి జ్యూస్ తాగడం వల్ల బరువు తగ్గవచ్చు. ఇక షుగర్ సమస్య ఉన్నవారు కూడా ఉసిరి తీసుకోవచ్చు.