నేచురల్ స్టార్ నాని హీరోగా నటించిన సినిమా ‘శ్యామ్ సింగరాయ్’. శుక్రవారం థియేటర్లలో ఈ సినిమా విడుదలైంది. వి, టక్ జగదీష్ తర్వాత థియేటర్లలోకి వచ్చిన ఈ సినిమా ప్రేక్షకులను ఆకట్టుకుంటుంది. ఇందులో సాయి పల్లవి, కృతి శెట్టి, మడోన్నా సెబాస్టియన్ హీరోయిన్లుగా నటించగా.. డైరెక్టర్ రాహుల్ సాంకృత్యాన్ దర్శకత్వం వహించారు.
ఈ సినిమాకు వచ్చిన రెస్పాన్స్ పట్ల సంతోషాన్ని వ్యక్తం చేశాడు డైరెక్టర్ రాహుల్ సాంకృత్యాన్. కొన్ని సన్నివేశాలకు ఆశించిన స్థాయి కంటే ఎక్కువ క్లాప్స్ పడుతుండడం ఎంతో ఆనందాన్ని కలిగించిందని అన్నారు. అలాగే తన మనసులోని కోరికను బయటపెట్టాడు.
పవన్ కళ్యాణ్తో సినిమా చేయాలని ఉందని తన కోరికను బయటపెట్టాడు. పవన్ కళ్యాణ్ అంటే నాకు చాలా ఇష్టం. సహజంగానే ఆయనలో ఒక ఫైర్ ఉంటుంది. అలాంటి స్టార్ హీరోతో పవర్ఫుల్ స్టోరీ చేస్తే థియేటర్స్ పగిలిపోతాయి. ఆ రేంజ్ ఫ్యాన్ బేస్ ఆయనకు ఉంది. ఆయన ఒప్పుకోవాలేగానీ శ్యామ్ సింగరాయ్ 2 ఆయనతో చేస్తాను. అలాంటి పవర్ఫుల్ పాత్రలలోనే ఆయనను చూడటానికి అభిమానులు ఆసక్తిని చూపితుంటారు అని చెప్పాడు.
