ఇటీవల ప్రపంచ బ్యాడ్మింటన్ ఛాంపియన్షిప్లో రజక పతకంతో మెరిసిన భారత స్టార్ షట్లర్ కిదాంబి శ్రీకాంత్ తన అంతిమ లక్ష్యం ఏమిటో చెప్పాడు. ప్రస్తుతం ఛాంపియన్షిప్లో దక్కిన విజయాన్ని తాను ఆస్వాదిస్తున్నట్లు తెలిపాడు.
ఫైనల్లో ఓడిపోవడం, టోక్యో ఒలింపిక్స్కు అర్హత సాధించలేకపోవడం వంటి విషయాల గురించి కూడా మాట్లాడాడు. ఇంకా తన కెరీర్ గురించి పలు విషయాలను చెప్పాడు.
ప్రతి టోర్నీకి మెరుగుపడుతూనే ఉన్నాను. జర్మన్ ఓపెన్, ఫ్రెంచ్ ఓపెన్ ఆడేటప్పుడు నా ఆటలో డిఫరెన్స్ను గమనిస్తాను. ఇండోనేషియాలో ఆడేటప్పుడు మరింతగా గమనిస్తాను. ప్రపంచ ఛాంపియన్షిప్స్లో పాల్గొనేటప్పుడు మెడల్ సాధించాలని ఉన్నప్పటికీ దాని గురించి ఆలోచించను. ఉత్తమంగా ఆడటంపైనే దృష్టి పెడతాను. బాగా ఆడితే తప్పకుండా పతకం సాధిస్తాం.
మన దేశం తరఫున ఆడేవాళ్లతో తలపడటం ఎప్పుడూ కష్టమైనదే. ఇద్దరం గెలవడానికే ఆడతాం. మ్యాచ్లో నేను గెలవడం ఆనందంగా ఉంది. మ్యాచ్ ముగిసిన తర్వాత మాములుగానే మాట్లాడుకున్నాం. టోర్నీ, పోటీ గురించి ఏమీ మాట్లాడుకోలేదు.