టాలీవుడ్ లో ఇప్పుడు భారీ సినిమాలు సెట్స్ పైకి వెళుతున్నాయి, అయితే కొద్ది రోజులుగా వినిపిస్తున్న ఓ చిత్రం హిరణ్య కశ్యప…భారీ బడ్జెట్ సినిమాగా ఇది రాబోతోంది అని తెలుస్తోంది, ఈ సినిమాలో రానా హీరోగా చేస్తున్నారు..ప్రముఖ దర్శకుడు గుణశేఖర్ తెరకెక్కించబోతున్నారు.
రానాతో హిరణ్య కశ్యపను చేయబోతున్నట్లు, ప్రీప్రొడక్షన్ పనులు జరుగుతున్నాయని, త్వరలోనే సెట్స్పైకి తీసుకెళ్లబోతున్నట్లు స్వయంగా గుణశేఖర్ తెలియచేశారు. సో రానా నెక్ట్స్ ప్రాజెక్ట్ ఇదే అని తెలుస్తోంది, అయితే ఈ సినిమాలో మరో టాలీవుడ్ హీరో కూడా నటించనున్నారని వార్తలు వినిపిస్తున్నాయి.
ఈ సినిమాలో ఒక కీలక పాత్రకోసం అల్లు అర్జున్ ను తీసుకోవాలని ప్రయత్నిస్తున్నాడట గుణ శేఖర్ . గతంలో ఈయన తెరకెక్కించిన రుద్రమ దేవి సినిమా లో బన్నీ గోనగన్నారెడ్డి గా నటించిన విషయం తెలిసిందే .ఆ పాత్ర ఆయనకు మంచి పేరు తెచ్చింది, అయితే పాత్ర బాగుంటే బన్నీ ఈ సినిమా చేసే అవకాశం ఉంది అంటున్నారు.
