సుకుమార్ దర్శకత్వంలో ఐకాన్ స్టార్ అల్లు అర్జున్, బ్యూటీఫుల్ భామ రష్మిక నటించిన చిత్రం ‘పుష్ప’. ఎర్రచందనం స్మగ్లింగ్ నేపథ్యంలో తెరకెక్కిన ఈ సినిమాను మైత్రి మూవీ మేకర్స్ నిర్మించింది. రెండో భాగం కూడా త్వరలోనే సెట్స్పైకి వెళ్లనుందని చిత్రబృందం వెల్లడించింది. దాంతో అటు బన్నీ ఫ్యాన్స్, ఇటు రష్మిక అభిమానులు ఖుషి అవుతున్నారు.
ఈ చిత్రంలోని బన్నీ నటన, డైలాగ్స్, సాంగ్స్, సుకుమార్ టేకింగ్ ఇలా ప్రతీది దేశవ్యాప్తంగా ప్రేక్షకులను విపరీతంగా ఆకట్టుకున్నాయి. ముఖ్యంగా శ్రీవల్లి సాంగ్లో అల్లు అర్జున్ చెప్పు స్టెప్పు ప్రేక్షకులను, సెలెబ్రిటీలను తెగ అలరించింది. తాజాగా ఈ స్టెప్ వెనకనున్న సీక్రెట్ ను అమితాబ్ రివీల్ చేసాడు.
బన్నీ గాగుల్స్ పెట్టుకుని చెప్పుల్ని ఈడ్చుతూ స్టెప్పు వేయడం, చెప్పు జారిపోతే దానిని సరి చేసుకోవడం అభిమానులను బాగా ఆకట్టుకుంది. కానీ ఇందులో అల్లు అర్జున్ చెప్పు జారిపోవడం పొరపాటుగా జరిగింది. అది కొరియోగ్రఫీ కాదని బిగ్బీ చెప్పుకొచ్చారు. కానీ సుకుమార్కు అది నచ్చడంతో అలాగే ఉంచేశారట”. అలా అల్లు అర్జున్ పొరపాటుగా చేసిన చెప్పు స్టెప్ వైరల్గా మారింది.
