మెగాస్టార్ చిరంజీవి హీరోగా నటించిన ‘ఆచార్య’ సినిమా కొత్త రిలీజ్ డేట్ ప్రకటించారు. ఫిబ్రవరి 4న రావాల్సిన ఈ చిత్రాన్ని కరోనా కారణంగా వాయిదా వేస్తున్నట్లు నిర్మాణ సంస్థలు ట్వీట్ చేసింది. ఇప్పుడు కొత్త విడుదల తేదీని ప్రకటించి, ఫ్యాన్స్లో జోష్ నింపింది.
కొరటాల శివ దర్శకత్వంలో దేవాలయాల నేపథ్య కథతో తీసిన ఈ సినిమాలో చిరంజీవి సరసన కాజల్ హీరోయిన్గా చేసింది. రామ్చరణ్, పూజాహెగ్డే కీలకపాత్రలు పోషించారు. మణిశర్మ సంగీతమందించారు. ఇప్పటికే విడుదలైన ఈ చిత్ర పాటలు, టీజర్లు మెగా అభిమానుల్లో అంచనాలు రెట్టింపు చేస్తున్నాయి.
తాజాగా వేసవి కానుకగా ఏప్రిల్ 1న థియేటర్లలోకి తీసుకొస్తామని పోస్టర్ విడుదల చేశారు మేకర్స్. అయితే గత కొద్ది రోజులుగా దేశంలో కరోనా, ఓమిక్రాన్ ప్రభావం సినీ పరిశ్రమపై ప్రభావం చూపిస్తోంది. రోజు రోజూకీ కేసులు గణనీయంగా పెరుగుతున్న క్రమంలో ఆర్ఆర్ఆర్, రాధేశ్యామ్ సినిమాలు వాయిదా పడిన సంగతి తెలిసిందే. ఈ క్రమంలో నిన్న సంక్రాంతి రోజున ఆచార్య సినిమాను వాయిదా వేస్తున్నట్లు తెలిపారు. దీంతో మెగా అభిమానులు నిరాశ చెందారు. ఇప్పుడు కొత్త తేదిని ప్రకటించి మెగా అభిమానులకు గుడ్ న్యూస్ చెప్పింది చిత్రబృందం.
https://twitter.com/KonidelaPro?
