రెబల్ స్టార్ ప్రభాస్ (Prabhas) హీరోగా ‘కల్కి 2898 AD’ సినిమా హాలీవుడ్ రేంజ్‌లో తెరకెక్కుతున్న సంగతి తెలిసిందే. ఇప్పటికే విడుదల చేసిన గ్లింప్స్‌ ఈ సినిమాపై భారీ అంచనాలు పెంచేసింది. ఈ ఏడాది మే9న ఈ సినిమా ప్రపంచవ్యాప్తంగా గ్రాండ్‌గా రిలీజ్ కానుంది. ఈ సినిమా గురించి రోజుకొక వార్త బయటకు వస్తూ మూవీపై క్యూరియాసిటీ పెంచేస్తున్నాయి. ప్రస్తుతం పోస్ట్ ప్రొడక్షన్ వర్క్స్ జరుపుకుంటున్న ఈ మూవీ గురించి దర్శకుడు నాగ్ అశ్విన్ ఓ ఇంట్రస్టింగ్ విషయం వెల్లడించాడు.
కల్కి 2898AD సినిమా మహాభారతం నుంచి మొదలై 2898లో పూర్తవుతుందన్నారు. అందుకే సినిమాకు ఆ టైటిల్ పెట్టామని.. సినిమాలో 6000 సంవత్సరాల మధ్య జరిగే కథని చూపిస్తున్నామని వెల్లడించారు. ఇండియన్ మైథాలజీ క్యారెక్టర్స్ ఆధారంగా సినిమా తీస్తున్నామని.. భవిష్యత్తు ఎలా ఉంటుంది అనే ఓ ఊహా ప్రపంచాన్ని క్రియేట్ చేశామని తెలిపారు. దీంతో కల్కి సినిమాపై మరిన్ని అంచనాలు నెలకొన్నాయి.
ఇక ఈ సినిమాలో లోక నాయకుడు కమల్‌ హాసన్‌ విల‌న్‌గా నటించనుండగా.. అమితాబ్ బచ్చన్, దీపికా పదుకొనే, దిశా పటాని, రానా, తదిరతరులు ముఖ్య పాత్రలు పోషిస్తున్నారు. వైజయంతీ మూవీస్ బ్యానర్‌పై ప్రముఖ నిర్మాత అశ్వినీదత్.. దాదాపు రూ.400 కోట్ల భారీ బడ్జెట్‌తో నిర్మిస్తున్నారు.
Read Also: అరికాళ్ళలో నొప్పి వేధిస్తుందా? ఇవి పాటించండి!!
Follow us on: Google News, Koo, Twitter, ShareChat
