‘యానిమల్’ నుంచి ‘నాన్న నువ్ నా ప్రాణం’ పాట విడుదల

స్టార్ హీరో రణ్‌బీర్‌కపూర్‌(Ranbir Kapoor), సందీప్‌ రెడ్డి వంగా (Sandeep Reddy Vanga) కాంబోలో వస్తున్న ‘యానిమల్(Animal Movie)’ చిత్రం నుంచి ‘నాన్న నువ్ నా ప్రాణం’ అంటూ సాగే లిరికల్ పాటను మేకర్స్ విడుదల చేశారు. తండ్రీకొడుకులైన అనిల్ కపూర్‌-రణ్‌బీర్‌ కపూర్‌ మధ్య వచ్చే సన్నివేశాలతో భావోద్వేగంతో ఈ పాటను తెరకెక్కించారు. అనంత్ శ్రీరామ్‌ రాసిన ఈ పాటను సోను నిగమ్‌ ఆలపించగా.. హర్షవర్దన్ రామేశ్వర్ సంగీతం అందించాడు. తండ్రీకొడుకుల ప్రయాణం నేపథ్యంలో సాగే కథతో ఈ చిత్రం ఉండబోతున్నట్టు బీటౌన్ వర్గాలు చెబుతున్నాయి.

ఇప్పటికే ఈ మూవీ(Animal Movie) నుంచి విడుదలైన ‘అమ్మాయీ..’, ‘నే వేరే..’ అంటూ సాగే రెండు పాటలు.. పోస్టర్లు, సినిమాపై భారీ అంచనాలు పెంచేశాయి. ఈ చిత్రాన్ని భద్రకాళి పిక్చర్స్‌, టీ సిరీస్‌ సంస్థలపై భూషణ్ కుమార్‌, ప్రణయ్‌ రెడ్డి వంగా సంయుక్తంగా నిర్మిస్తున్నారు. ఈ చిత్రంలో బాబీ డియోల్, శక్తి కపూర్, పృథ్వీ, తదితరులు నటిస్తున్నారు. హిందీతో పాటు తెలుగు, తమిళం, మలయాళం, కన్నడ భాషల్లో డిసెంబర్ 1న ప్రపంచవ్యాప్తంగా విడుదల కానుంది.

Read Also: కుక్క కరిస్తే రూ.10వేలు పరహారం.. ఎక్కడో తెలుసా..?