డార్లింగ్ ప్రభాస్, పూజాహెగ్డే హీరో హీరోయిన్లుగా నటించిన తాజా చిత్రం ‘రాధేశ్యామ్’. పీరియాడికల్ లవ్ స్టోరీగా తెరకెక్కిన ఈ సినిమాపై అంచనాలు తారాస్థాయిలో ఉన్నాయి. అందుకు తగ్గట్టుగానే పోస్టర్స్, ట్రైలర్స్ ఆకట్టుకున్నాయి. ఈ సినిమా మార్చి 11న ప్రపంచవ్యాప్తంగా విడుదల కానుంది.
తాజాగా ‘రాధేశ్యామ్’ సినిమాను వీక్షించిన సెన్సార్ బోర్డు సభ్యుడు, సినీ విశ్లేషకుడు ఉమైర్ సంధు ఫస్ట్రివ్యూ ఇచ్చారు. సినిమా అద్భతంగా ఉందని, ఇక ఈ చిత్ర క్లైమాక్స్ అంచనాలకు అందనంత గొప్పగా ఉందని సోషల్ మీడియాలో పోస్ట్ చేశారు.
“ప్రభాస్ క్లాస్, స్టైల్ను భారత్లో ఎవరూ బీట్ చేయలేరు. రాధేశ్యామ్లో ఎంతో అందంగా ఉన్నారు. ఆయన నటన ఎంతో అద్భుతంగా ఉంది. ఈ సినిమాలో వీఎఫ్ఎక్స్ కళ్లు చెదిరేలా ఉన్నాయి. ప్రభాస్, పూజాహెగ్డే కెమిస్ట్రీ మైండ్ బ్లోయింగ్. ఇది అద్భుతమైన సినిమా. ఇక క్లైమాక్స్ ఓ అద్భుతమైన అనుభూతి. ఎవరూ ఊహించనంతగా ఉంది. సినిమాకే హైలెట్గా నిలుస్తుంది. మాటల్లో చెప్పలేను అంటూ ఉమైర్ సంధు ట్వీట్ చేశారు.
