పాన్ ఇండియా స్టార్ ప్రభాస్, పూజాహేగ్దే జంటగా నటించిన సినిమా ‘రాధేశ్యామ్’. రాధాకృష్ణ కుమార్ దర్శకత్వం వహించిన ఈ సినిమాను గోపీకృష్ణ మూవీస్, యూవీ క్రియేషన్స్‌ సంస్థలు సంయుక్తంగా నిర్మిస్తున్నాయి. మార్చి 11న ఈ చిత్రం థియేటర్లలోకి రానుంది.
ఈ నేపథ్యంలో రాధేశ్యామ్ టీం ప్రమోషన్స్ ను మొదలుపెట్టింది. ఇప్పటికే విడుదలైన పోస్టర్స్, సాంగ్స్ ఆకట్టుకున్నాయి. అలాగే సెకండ్‌ ట్రైలర్ బాగా ఆకట్టుకుంటుంది. ఇక ఈ ట్రైలర్ లో… భవిష్యత్తు చెప్పే ఓ జ్యోతిష్కుడిలా ప్రభాస్ కనిపించాడు. అందరి చేతి రాతలు చూస్తూ… వారి భవిష్యత్తును చెప్పే పాత్రలో ఒదిగి పోయాడు ప్రభాస్.
అయితే తాజాగా ఈ సినిమా నుంచి అదిరిపోయే అప్డేట్‌ వచ్చింది. రాధేశ్యామ్ నుంచి మేకింగ్ వీడియోను విడుదల చేసింది చిత్ర బృందం. మరోవైపు ప్రభాస్ ఇప్పటికే ఆదిపురుష్ సినిమాను పూర్తి చేసే పనిలో ఉండగా..ఆ తరువాత సలార్, స్పిరిట్ వంటి సినిమాలు లైన్ లో పెట్టాడు.