తెలంగాణ ఎంసెట్‌ ఇంజినీరింగ్‌ తుది విడత షెడ్యూల్‌ విడుదలైంది. ధ్రువపత్రాల పరిశీలనకు ఈనెల 25, 26న స్లాట్‌ బుకింగ్ చేసుకోవచ్చు. ఈనెల 27న ధ్రువపత్రాల పరిశీలన ఉంటుంది. ఈనెల 27 నుంచి 30 వరకు వెబ్‌ ఆప్షన్ల నమోదు చేసుకోవాలి. నవంబర్‌ 2న తుది విడత ఇంజినీరింగ్‌ సీట్ల కేటాయింపు ఉంటుంది.
నవంబర్‌ 9 నుంచి ప్రత్యేక విడత కౌన్సెలింగ్‌..నవంబర్‌ 9, 10న వెబ్‌ ఆప్షన్లు నమోదు చేసుకునేందుకు అవకాశం ఇచ్చారు. నవంబర్‌ 12న ప్రత్యేక విడత సీట్ల కేటాయింపు ఉంటుంది. నవంబర్‌ 14న స్పాట్‌ అడ్మిషన్ల మార్గదర్శకాలు విడుదల చేయనున్నారు.