బంగారం ధరించడానికి అందరు ఆసక్తి చూపుతారు. ముఖ్యంగా మహిళలు ఏ చిన్న కార్యక్రమం అయినా అధికంగా నగలు ధరిస్తూ తమ అందాన్ని మరింత పెంచుకుంటారు. ప్రస్తుతం పెళ్లిళ్ల సీసన్ కావడంతో బంగారం డిమాండ్ గత రెండు రోజులుగా స్థిరంగా ఉంటూ మహిళలకు కాస్త ఊరట కలిగించింది. కానీ నేటి ధరలు భారీగా పెరిగి మహిళలు తీవ్ర నిరాశకు లోనయ్యేలా చేసాయి.
హైదరాబాద్ నేటి బంగారం, వెండి ధరలు ఇలా..
హైదరాబాద్ మార్కెట్లో నేడు 22 క్యారెట్ల 10 గ్రాముల గోల్డ్ రేట్ రూ. 500 పైకి పెరిగి రూ. 48,100కు చేరుకుంది. ఒక్కసారే బంగారం ధరలు భారీగా పెరగడం మహిళలు బాధపడే విషయంగానే చెప్పుకోవచ్చు. ఇక వెండి ధరల విషయానికొస్తే కిలో వెండి ధర రూ.1500 పెరిగి రూ.68,500 వద్ద కొనసాగుతోంది. దాంతో బంగారం ప్రియులు కనీసం వచ్చే వారంలోనైనా ధరలు తగ్గుముఖం పట్టాలని కోరుకుంటున్నారు.
