పార్టీలోని విభేదాలపై బీజేపీ చేరికల కమిటీ చైర్మన్, హుజురాబాద్ ఎమ్మెల్యే ఈటల రాజేందర్(Eatala Rajender) కీలక వ్యాఖ్యలు చేశారు. పార్టీలో ఎలాంటి విభేదాలకు తావు లేదని స్పష్టం చేశారు. బీఆర్ఎస్‌కు ప్రత్యామ్నాయం బీజేపీనే అని అన్నారు. అధ్యక్షుడు బండి సంజయ్(Bandi Sanjay) కుమార్‌తో తనకు విభేదాలు ఉన్నాయన్న వార్తల్లో ఎలాంటి నిజం లేదని కొట్టిపారేశారు. తాను గతంలో ఎన్నడూ రాజకీయ పదవుల కోసం ప్రయత్నించలేదనీ, భవిష్యత్తులో కూడా అలా చేయాలనే ఉద్దేశం లేదని ఈటల స్పష్టం చేశారు. బీజేపీది చెక్కుచెదరని నాయకత్వమని ఆసక్తికర వ్యాఖ్యలు చేశారు.
బీజేపీ కేంద్ర నాయకత్వం పార్టీ తెలంగాణ శాఖ నిర్మాణంలో మార్పులను ఎంచుకోదని ఈటల(Eatala Rajender) స్పష్టం చేశారు. పార్టీ కేంద్ర నాయకత్వం వారి ప్రణాళికలకు అనుగుణంగా నిర్ణయాలు తీసుకుంటుందనీ, బండి సంజయ్ కుమార్ కృషిని అభినందించిన ఎమ్మెల్యే రాబోయే ఎన్నికల్లో పార్టీ నాయకుల సమిష్టి బలాన్ని ఉపయోగించుకోవాల్సిన ఆవశ్యకతను నొక్కి చెప్పారు. బీజేపీ సీనియర్ నేతలకు, ఇతర పార్టీల నుంచి కొత్తగా వచ్చిన వారికి మధ్య తలెత్తిన విభేదాలను ప్రస్తావిస్తూ, ఈ ఘర్షణలు సాధారణమేననీ, కేంద్ర నాయకత్వం ఆదేశాలను ప్రభావితం చేయవనీ, పార్టీ సభ్యుల మధ్య ఐక్యత అయితే కొనసాగుతుందని ఈటల రాజేందర్ తెలిపారు.
Read Also:
1. ఆ ఫాంహౌస్‌లో పొంగులేటి, జూపల్లితో ఈటల భేటీ
2. కూతురు క్యారెక్టర్ చేసిన నటితో అమీర్ ఖాన్ పెళ్లి!
 కీలక వ్యాఖ్యలు చేశారు. పార్టీలో ఎలాంటి){kind=link}