ఆస్ట్రేలియా ఆటగాడు డేవిడ్ వార్నర్ సామాజిక మాధ్యమాలలో ఎంత చురుకుగా ఉంటాడో తెలిసిందే. కొత్త కొత్త వీడియోలు పోస్ట్ చేస్తూ అభిమానులను ఫుల్ ఖుషి చేస్తుంటాడు. తాజాగా యాషెస్ సిరీస్ తొలి టెస్టులో ఇంగ్లాండ్పై విజయం అనంతరం కూడా ఓ వీడియో పోస్ట్ చేశాడు వార్నర్.
అల్లుఅర్జున్ ‘పుష్ప’ సినిమాలోని ‘ఏయ్ బిడ్డా.. ఇది నా అడ్డా’ సాంగ్ని మార్ఫ్ చేశాడు. ‘కాప్షన్ దిస్’ అనే కామెంట్ను జోడించాడు. ఇన్స్టా వేదికగా పోస్ట్ చేసిన ఈ వీడియోపై టీమ్ఇండియా టెస్టు జట్టు సారథి విరాట్ కోహ్లీ స్పందించాడు. ‘మేట్ ఆర్ యూ ఓకే (మిత్రమా నువ్వు బానే ఉన్నావా?)’ అని విరాట్ కోహ్లీ కామెంట్ చేశాడు. క్రికెట్ అభిమానులు కూడా ఈ వీడియోపై భిన్నంగా స్పందిస్తున్నారు. ప్రస్తుతం సామాజిక మాధ్యమాల్లో ఈ వీడియో వైరల్గా మారింది.
గత ఐపీఎల్లో వార్నర్కు చేదు అనుభవం ఎదురైంది. కారణం కూడా చెప్పకుండా ఎస్ఆర్హెచ్ అతడిని కెప్టెన్గా తొలగించింది. ఈ నేపథ్యంలో ఆ జట్టుతో కొనసాగే ఉద్దేశంలేదని వార్నర్ నిక్కచ్ఛిగా చెప్పేశాడు. వచ్చే సీజన్ కోసం ఏ జట్టు అతడిని తీసుకోనుందో తెలియాల్సి ఉంది.
వీడియో చూడడానికి కింది లింక్ ను క్లిక్ చేయండి.
https://www.instagram.com/p/CXVv7sbJU1X/
