దిల్లీ క్యాపిటల్స్ ఫాస్ట్ బౌలర్ ఆవేశ్ ఖాన్ను అదృష్టం వరించింది. టీ20 ప్రపంచకప్లో టీమ్ఇండియా నెట్ బౌలర్గా ఆవేశ్ ఖాన్ ఎంపికైనట్లు సమాచారం. ఈ నేపథ్యంలో ఐపీఎల్ పూర్తవ్వగానే ఆ బౌలర్ను యూఏఈలో ఉండాలని బీసీసీఐ ఆదేశించిందని సంబంధిత అధికారులు చెబుతున్నారు.
కశ్మీర్ పేసర్ ఉమ్రాన్ మాలిక్ తర్వాత రెండో నెట్ బౌలర్గా ఆవేశ్ను టీమ్ఇండియా కోసం ఎంపిక చేసినట్లు సమాచారం. సరాసరి గంటకు 142 నుంచి 145 కి.మీ. వేగంతో బంతిని విసరగల నైపుణ్యం ఆవేశ్కు ఉంది. అంతేకాకుండా ప్రస్తుత ఐపీఎల్ సీజన్లో 23 వికెట్లను పడగొట్టి.. టోర్నీలో అత్యధిక వికెట్లు సాధించిన బౌలర్ల జాబితాలోనూ రెండో స్థానంలో నిలిచాడు.
ఒకవేళ రాబోయే టీ20 ప్రపంచకప్లో ఎవరైన బౌలర్కు విశ్రాంతి లభిస్తే.. ఆవేశ్ ఖాన్కు తుదిజట్టులో చోటు దక్కే అవకాశం ఉంది. ఐసీసీ టీ20 ప్రపంచకప్ అక్టోబర్ 17 నుంచి దుబాయ్ వేదికగా ప్రారంభం కానుంది. విరాట్ కోహ్లీ సారథ్యంలో భారత జట్టు..అక్టోబరు 24న పాకిస్థాన్తో తలపడనుంది.
