పాకిస్థాన్తో జరిగిన తొలి మ్యాచ్లో టీమ్ఇండియా ఆల్రౌండర్ హార్దిక్ పాండ్య కుడిచేయి భుజానికి గాయమైంది. అయితే.. అతడు బౌలింగ్ చేయడం ఇక కష్టమే అని అందరూ భావించారు. కానీ, బుధవారం నెట్స్లో బౌలింగ్ ప్రాక్టీస్ చేశాడు. స్ట్రెంగ్త్ అండ్ కండిషనింగ్ కోచ్ నిక్ వెబ్, సోహమ్ దేశామ్ ఆధ్వర్యంలో 15 నిమిషాల పాటు బౌలింగ్ చేశాడు హార్దిక్. అనంతరం 20-25 నిమిషాల పాటు ఫిట్నెస్ డ్రిల్స్ చేశాడు.
నెట్స్లో బ్యాటింగ్ స్కిల్స్పై కూడా ఫోకస్ చేశాడు హార్దిక్. ఈ ప్రాక్టీస్ సెషల్ భాగంగా టీమ్ఇండియా మెంటార్ మహేంద్ర సింగ్ ధోనీ పాండ్యకు పలు సలహాలు ఇచ్చాడు. ప్రపంచకప్ మ్యాచ్ల్లో హార్దిక్ కనీసం రెండు ఓవర్లైనా బౌలింగ్ చేస్తే బాగుంటుందని టీమ్ఇండియా సారథి ఇటీవలే పేర్కొన్నాడు. అయితే పాకిస్థాన్తో మ్యాచ్కు ముందు రానున్న మ్యాచ్ల్లో బౌలింగ్ చేస్తానని హార్దిక్ కూడా తెలిపాడు. కానీ, అనూహ్యంగా పాక్ మ్యాచ్లో అతడి భుజానికి స్వల్ప గాయమైంది.
పాకిస్థాన్తో అక్టోబరు 24న జరిగిన మ్యాచ్లో బ్యాటింగ్ చేస్తుండగా హార్దిక్ కుడి భుజానికి గాయమైంది. దీంతో పాక్ ఇన్నింగ్స్లో అతడు ఫీల్డింగ్కు రాలేదు. అతడి బదులు ఇషాన్ కిషన్ ఫీల్డింగ్ చేశాడు. ఈ మ్యాచ్లో 8 బంతుల్లో 11 పరుగులు చేశాడు హార్దిక్.