వాట్సాప్ ను వయసుతో సంబంధం లేకుండా ప్రతి ఒక్కరూ వాడుతుంటారు. దానికి తగ్గట్టుగానే ఎప్పటికప్పుడు సరికొత్త అప్డేట్లను తీసుకొస్తుంది మెసేజింగ్ యాప్ వాట్సప్. అప్డేట్లను విడుదల చేయడం వాట్సాప్ కు కొత్త కాదు. కానీ ఇప్పుడు రాబోతున్న అప్డేట్ కోసం డెస్క్టాప్ యూజర్లు కూడా వేచి చూస్తున్నారు.
యూజర్లకు మెరుగైన సౌలభ్యం కోసం వాట్సాప్ తరచూ అప్డేట్లను రిలీజ్ చేస్తూ ఉంటుంది. వాట్సాప్ ప్రస్తుతం వెబ్ వాట్సాప్ వాడే వినియోగదారులకు కొత్త ఫుటర్ ఇండికేటర్ తీసుకురానున్నట్లు తెలుస్తోంది. ఈ ఫుటర్ ఇండికేషన్ వినియోగదారులకు చాలా ఉపయోగపడుతుందని తెలుస్తోంది. ఈ ఫుటర్ ఇండికేషన్లో ఎండ్ టూ ఎండ్ మోడ్ లో మెస్సేజులను పంపనున్నట్లు తెలుస్తోంది.
డెస్క్ టాప్ లో వాట్సాప్ ను వాడుతున్న వినియోగదారులు మెస్సేజును రిసీవ్ చేసుకున్నపుడు కింది భాగంలో కనిపించనుంది. ఈ అప్డేట్ అనేది వెర్షన్ 2.2206.1.లో ఉండనుంది. ఈ వెర్షన్ ఇప్పటికే వాట్సాప్ ఐఫోన్, ఆండ్రాయిడ్ వినియోగదారులకు అందుబాటులో ఉంది. త్వరలోనే ఈ ఫీచర్ ను వాట్సాప్ వెబ్ వినియోగదారుల కోసం తీసుకురానున్నట్లు సమాచారం
ఇన్నాళ్లూ వెబ్లో వాట్సాప్ వాడాలంటే.. మన ఫోన్ అనేది ఆన్లైన్లో ఉండాల్సి వచ్చేది. కానీ ప్రస్తుతం ఫోన్తో పని లేకుండా డెస్క్టాప్లో వాట్సాప్ వాడేలా కంపెనీ కొత్త ఫీచర్ను తీసుకొచ్చింది. ఈ ఫీచర్ చాలా ప్రయోజనకరంగా ఉందని పలువురు యూజర్లు చెబుతున్నారు.
