ఐపీఎల్ 2022 సీజన్ కోసం ఏర్పాట్లు జరుగుతున్నాయి. ఈ నెల 12, 13 తేదీల‌లో జ‌రిగ‌బోయే మెగా వేలానికి ముందు ఈ రెండు ఫ్రొచైంజ్ లు ముగ్గురు ఆట‌గాళ్ల‌ను ఎంచుకున్నారు. ఈ ఏడాది 10 జట్లు పాల్గొనబోతున్నాయి. కొత్తగా లక్నో, అహ్మదాబాద్ ఫ్రొచైంజ్ లు వ‌చ్చిన విష‌యం తెలిసిందే.
అయితే ఈ ఏడాది లీగ్లో అడుగుపెట్టిన కొత్త జట్లలో సీవీసీ గ్రూప్.. అహ్మదాబాద్ జట్టును రూ.5625 కోట్లకు కొనుగోలు చేసింది. సంజీవ్ గోయంకా ఆర్పీఎస్జీ.. లక్నో ఫ్రాంచైజీని రూ.7090 కోట్లకు సొంతం చేసుకుంది. వీటిలో లక్నో టీమ్కు ‘లక్నో సూపర్జెయింట్స్’ అని పేరు పెట్టారు.
తాజాగా అహ్మదాబాద్ జట్టుకు ‘గుజరాత్ టైటాన్స్’ అని పేరు పెట్టారు.ఈ టీమ్కు ఆల్రౌండర్ హార్దిక్ పాండ్య కెప్టెన్సీ వహించనున్నాడు. ప్రీ ఆక్షన్లో గుజరాత్ టైటాన్స్ హార్దిక్ పాండ్య-రూ.15 కోట్లు, రషీద్ ఖాన్- రూ.15 కోట్లు, శుభ్మన్ గిల్- రూ.8 కోట్లకు సొంతం చేసుకుంది.