శ్రీలంక క్రికెటర్ భానుక రాజపక్స తన రిటైర్మెంట్ను వెనక్కి తీసుకున్నట్లు ఆ దేశ క్రికెట్ బోర్డు స్పష్టం చేసింది. గురువారం రిటైర్మెంట్ వెనక్కి తీసుకునే అంశంపై అతడు బోర్డు పెద్దలతో మాట్లాడినట్లు పేర్కొంది. “క్రీడా మంత్రి, జాతీయ జట్టు సెలక్టర్లతో సమావేశం అనంతరం.. ఈ ఏడాది జనవరి 3న చేసిన రిటైర్మెంట్ ప్రకటనను విరమించుకుంటున్నట్లు రాజపక్స పేర్కొన్నాడు. ఈ మేరకు శ్రీలంక క్రికెట్ బోర్డుకు స్పష్టత ఇచ్చాడు.” అని ఎస్ఎల్సీ అధికారిక ప్రకటన చేసింది.
