గాయం కారణంగా గతేడాది ఐపీఎల్ మధ్యలోనే వైదొలిగిన ఇంగ్లాండ్ ఆల్రౌండర్ బెన్స్టోక్స్ ఈ సీజన్కు కూడా అందుబాటులో ఉండట్లేదని సమాచారం. ఇటీవలే జరిగిన యాషెస్ సిరీస్లో ఆస్ట్రేలియాపై ఘోరంగా ఓడిపోయింది ఇంగ్లీష్ జట్టు. ఈ నేపథ్యంలో జట్టుకు అండగా ఉండేందుకు స్టోక్స్ ఈ నిర్ణయం తీసుకున్నట్లు సమాచారం.
కష్టాల్లో ఉన్న తన జట్టు కోసం ఈ ఏడాది ఐపీఎల్ మెగా వేలంలో పాల్గొనట్లేదని తెలిపాడు రూట్. అతడు నిర్ణయం ప్రకటించిన కొద్దిసేపటిలోనే స్టోక్స్ కూడా ఇదే నిర్ణయం తీసుకున్నట్లు సమాచారం. ఇటీవల జరిగిన యాషెస్ సిరీస్లో ఆస్ట్రేలియా చేతిలో ఘోరంగా ఓడిపోయింది ఇంగ్లాండ్. 4-0 తేడాతో సిరీస్ను చేజార్చుకుంది. ఈ నేపథ్యంలోనే తమ జట్టుకు అండగా ఉండాలని స్టోక్స్, రూట్ ఈ నిర్ణయం తీసుకున్నారు.
మరోవైపు ఐపీఎల్లో ఈ ఏడాది 10 జట్లు పాల్గొనబోతున్నాయి. అహ్మదాబాద్, లఖ్నవూ ప్రాంఛైజీలకు బీసీసీఐ ఇప్పటికే అధికారిక అనుమతులు ఇచ్చింది. కరోనా కేసులు తగ్గితే టోర్నీని భారత్లోనే నిర్వహించనున్నారు. లేకపోతే విదేశాలకు వెళ్లేలా ప్రణాళికలు రూపొందిస్తున్నారు.
