మహేంద్ర సింగ్ ధోనీ. ఈ పేరు వినగానే టీమ్ఇండియా బెస్ట్ వికెట్ కీపర్, కెప్టెన్ గా, ఆటగాడిగా ఎన్నో రికార్డులు నమోదు చేశాడు. టెస్టుల్లో కూడా కీపర్గా భారత్ తరపున అగ్రస్థానంలో నిలిచాడు. అయితే ఇప్పుడు ఓ యువక్రికెటర్ ధోనీ రికార్డుకు చేరువలో ఉన్నాడు. ఇంతకీ ఎవరా క్రికెటర్? ఆ రికార్డు ఏంటి? ఇప్పుడు తెలుసుకుందాం..
కీపర్గా టెస్టుల్లో అత్యంత వేగంగా 100 వికెట్లు పడగొట్టిన రికార్డు దిగ్గజ క్రికెటర్ మహేంద్ర సింగ్ ధోనీ పేరున ఉంది. అయితే ఇప్పుడు ఈ రికార్డుకు చేరువలో ఉన్నాడు యువక్రికెటర్ రిషబ్ పంత్. టీమ్ఇండియా దక్షిణాఫ్రికా పర్యటనలో భాగంగా ఒకవేళ పంత్కు ఆడే అవకాశం వస్తే..ఈ రికార్డును తిరగరాసే అవకాశం ఉంది.
ధోనీ 36 టెస్ట్ మ్యాచుల్లో 100 వికెట్లు పడగొట్టాడు. మరోవైపు పంత్ ఇప్పుటివరకు 25 మ్యాచ్లు ఆడగా.. 97 వికెట్లు పడగొట్టి ధోనీ రికార్డ్కు చేరువలో ఉన్నాడు. ఇదే జరిగితే టెస్టుల్లో 100 వికెట్లు తీసిన ఆరో భారతీయ ఆటగాడిగా పంత్ నిలుస్తాడు. అంతేకాదు ధోనీని వెనక్కునెట్టి అగ్రస్థానం సంపాదిస్తాడు.
