సీఈఓగా తిరిగి వస్తా: జెన్సన్ హువాంగ్

-

Alltimereport : ఎన్‌విడియా సీఈఓ పోస్ట్‌పై జెన్సన్ హువాంగ్ (Jensen Huang) సంచలన ప్రకటన చేశారు. ఆ బాధ్యతలను తిరిగి చేపట్టడానికి సిద్ధంగా ఉన్నానని తెలిపారు. బోర్డు కోరితే తిరిగి సీఈఓ బాధ్యతలు చేపట్టేందుకు సిద్ధమని వెల్లడించారు. వ్యక్తిగత జీవితంలో తీవ్రమైన తప్పులు చేశానని అంగీకరించిన ఆయన.. వాటికి పూర్తి బాధ్యత వహిస్తానని స్పష్టం చేశారు. తీవ్ర వివాదంగా మారిన తన వ్యక్తిగత అంశాలపై హువాంగ్ తాజాగా కీలక ప్రకటన చేశారు. బోర్డు నిర్వహించే స్వతంత్ర విచారణకు సహకరిస్తానని తెలిపారు. వివాహేతర సంబంధాలపై వచ్చిన ఆరోపణల నేపథ్యంలో నవంబర్ 12న హువాంగ్ సీఈఓ పదవికి రాజీనామా చేశారు.

- Advertisement -

ఆయన స్థానంలో తాత్కాలికంగా కంపెనీ సీఎఫ్‌ఓ కొలెట్ క్రెస్‌కు బాధ్యతలు అప్పగించారు. కొత్త సీఈఓ కోసం అన్వేషణ కూడా ప్రారంభించారు. రాజీనామా తర్వాత ఉద్యోగులు, పెట్టుబడిదారులు, వ్యాపార భాగస్వాములు, కస్టమర్లు తనను తిరిగి రావాలని కోరుతున్నట్లు హువాంగ్ తెలిపారు. బోర్డు తన పునరాగమనం కంపెనీకి, వాటాదారులకు, ఉద్యోగులకు, అమెరికాకు మేలు చేస్తుందని భావిస్తే తిరిగి బాధ్యతలు స్వీకరిస్తానని చెప్పారు. ఎన్విడియా తన జీవితకాల కృషి అని, అమెరికా పౌరసత్వం పొందడం తనకు గర్వకారణమని పేర్కొన్నారు.

మరోవైపు, జాతీయ భద్రతకు సంబంధించిన అంశాలపై డిసెంబర్ 1న అమెరికా ప్రతినిధుల సభ కమిటీల ముందు హువాంగ్ (Jensen Huang) హాజరుకానున్నారు. ఈ వ్యవహారంలో ఆయనను ప్రశ్నించనున్నారు. హువాంగ్‌కు అమెరికా అధ్యక్షుడు డొనాల్డ్ ట్రంప్ (Donald Trump) మద్దతు తెలిపారు. ఆయన తప్పు నుంచి పాఠం నేర్చుకున్నారని, మరో అవకాశం ఇవ్వాలని అభిప్రాయపడ్డారు. ఇక హువాంగ్‌ను తిరిగి సీఈఓ(Nvidia CEO)గా నియమించాలంటూ ‘స్టాండ్ విత్ జెన్సన్(Stand with Jensen)’ పేరుతో ఆన్‌లైన్ పిటిషన్ కూడా ప్రారంభమైంది. టెస్లా అధినేత ఎలాన్ మస్క్‌తో పాటు ఎన్విడియా ప్రస్తుత, మాజీ ఉద్యోగులు దీనికి మద్దతు తెలిపారు.

Also Read : ‘ఆకాశంలో ఒక తార’ సెన్సార్ పూర్తి.. ఏ సర్టిఫికెట్ అంటే..!

Follow Us On: Whatsapp

Read more RELATED
Recommended to you

Latest news

Must read

‘ఆకాశంలో ఒక తార’ సెన్సార్ పూర్తి.. ఏ సర్టిఫికెట్ అంటే..!

Alltimereport, Desk : దుల్కర్ సల్మాన్ (Dulquer Salmaan) తాజాగా సినిమా...

ది వన్ 2 ప్ ప్రోమోకు విమర్శల సెగ!

Alltimereport, Desk : తమన్నా(Tamannaah Bhatia), సిద్దార్థ్ మల్హోత్రా జోడీగా నటిస్తున్న...