శివుడుకి పండు కొబ్బ‌రికాయ లేదా ఆవుపాల‌తో అభిషేకం చేస్తారు… లేదా రుద్రాభిషేకం చేస్తారు… ఇలా మంత్రాలు జ‌పిస్తారు.. లేదా పువ్వులు ప‌త్రాల‌తో స్వామిని కొలుస్తారు, ఇక పిండివంట‌కాల‌తో స్వామికి నైవేద్యం పెడ‌తారు.. కాని ఇక్క‌డ దేవాల‌యంలో మాత్రం వింత ఆచారం ఉంది.
ఈ శివాలయంలో భక్తులు సిగరెట్లతో మొక్కులు చెల్లించుకుంటారు.. అయితే ఈ విచిత్ర ఆచారం చూడాలంటే హిమాచల్ ప్రదేశ్ వెళ్లాల్సిందే. హిమాచల్ ప్రదేశ్ లోని సోలన్ జిల్లాలోని లుట్రు మహాదేవ్ ఆలయం ఉంది. ఈ శివాల‌యం నిత్యం భ‌క్తుల‌తో కిట‌కిట‌లాడుతుంది.
అయితే ఇక్క‌డ శివ‌రాత్రిరోజు పెద్దఎత్తున పండుగ చేస్తారు. అయితే శివ‌రాత్రి రోజున స్వామికి మొక్కులు చెల్లిస్తారు.ఇక్కడి శివలింగంపై సిగరెట్ ను ఉంచితే దానికదే వెలుగుతుందని భక్తులు నమ్ముతారు. మొత్తమ్మీద ఈ విచిత్ర ఆచారంతో లూట్రా మహాదేవ్ ఆలయం విపరీతమైన ప్రాచుర్యం పొందుతోంది.
