బీహార్‌లో దారుణం చోటు చేసుకుంది. మూడున్నరేళ్ల చిన్నారిపై ఓ వృద్ధుడు అత్యాచారానికి పాల్పడ్డాడు. ఈ ఘటన రాష్ట్రంలో కలకలం రేపింది. మూడు రోజుల క్రితం హాజీపూర్ పట్టణంలో చోటు చేసుకున్న ఈ ఘటన ఆలస్యంగా వెలుగులోకి వచ్చింది.
ఈ ఘటనపై పోలీసులు దర్యాప్తు ప్రారంభించారు. ఆసుపత్రికి అయ్యే ఖర్చు భరించడానికి వృద్ధుడు అంగీకరించడంతో కుటుంబ సభ్యులు ఈ విషయాన్ని దాచడానికి ప్రయత్నించారని పోలీసులు తెలిపారు. అయితే ఈ ఘటన జరిగిన రెండు రోజుల తర్వాత ఆమె తల్లి పోలీసులను ఆశ్రయించింది. బాలికపై అత్యాచారానికి పాల్పడిన 60 ఏళ్ల వృద్ధుడిని పోలీసులు అరెస్టు చేశారు. కాగా గాయపడిన చిన్నారిని ప్రైవేట్ ఆసుపత్రిలో చికిత్స అందిస్తున్నట్లు వెల్లడించారు.