కరోనా కొత్త వేరియంట్ ప్రపంచాన్ని వణికిస్తోంది. ఒమిక్రాన్ కేసులతో పలు దేశాలు విలవిల్లాడుతున్నాయి. అమెరికాలో కొత్తగా లక్షా 81 వేలకు పైగా కరోనా కేసులు నమోదయ్యాయి. ఇందులో అధిక శాతం ఒమిక్రాన్ కేసులే ఉన్నాయి. బ్రిటన్, ఫ్రాన్స్లోనూ కేసులు అధికంగా నమోదవుతున్నాయి.
ఒమిక్రాన్ ప్రమాదకరంగా వ్యాపిస్తున్న నేపథ్యంలో అమెరికా అధ్యక్షుడు జో బైడెన్.. ముందుజాగ్రత్త చర్యలు తీసుకుంటున్నట్లు తెలిపారు. ఉచితంగా 50 కోట్ల ర్యాపిడ్ టెస్టులను నిర్వహిస్తామని చెప్పారు. బూస్టింగ్ డోసులు, రీడబుల్ వ్యాక్సినేషన్ కోసం ఆస్పత్రులకు మద్దతు అందిస్తామని స్పష్టం చేశారు.
వ్యాక్సినేషన్ తీసుకోవడం అందరి బాధ్యత. టీకా తీసుకోనివారిపై ఒమిక్రాన్ ప్రమాదకరమైన ప్రభావం చూపుతోంది. వైరస్పై పోరాడి మనందరం అలసిపోయాం. దీనికి ముగింపు లభించాలనే కోరుకుంటున్నాం. కానీ మహమ్మారి ఇంకా అంతం కాలేదు. అయితే, ఇంతకు ముందుతో పోలిస్తే మనం పూర్తి సన్నద్ధతతో ఉన్నాం. దీన్నుంచి మనం బయటపడతాం అని జో బైడెన్ అమెరికా అధ్యక్షుడు పేర్కొన్నారు.