దేశవాళీ క్రికెట్ టోర్నమెంట్ రంజీ ట్రోఫీ ఫైనల్లో మధ్యప్రదేశ్ సత్తా చాటింది. దీనితో ట్రోఫీని అందుకోవాలనే సుదీర్ఘ నిరీక్షణకు తెరదించింది. 2022 సీజన్ విజేతగా నిలిచి.. తొలిసారి రంజీ ఛాంపియన్గా అవతరించింది. ముంబయితో జరిగిన ఫైనల్ పోరులో ఆద్యంతం అధిపత్యం చెలాయిస్తూ విజేతగా నిలిచింది. ఐదురోజుల పాటు సాగిన ఈ తుదిపోరులో 6వికెట్ల తేడాతో విజయాన్ని అందుకుంది.
తొలి ఇన్నింగ్స్లో ముంబయి 374 పరుగులు చేయగా.. మధ్యప్రదేశ్ 536 రన్స్ చేసింది. అనంతరం రెండో ఇన్నింగ్స్లో.. 113/2 ఓవర్నైట్ స్కోరుతో ఐదో రోజు ఆటను ప్రారంభించిన ముంబయి 269 పరుగులకు ఆలౌట్ అయింది.
అనంతరం 108 పరుగుల లక్ష్యంతో రెండో ఇన్నింగ్స్ ప్రారంభించిన మధ్యప్రదేశ్ మంచి ప్రదర్శన చేసింది. హిమాన్షు మాంత్రి(37), తొలి ఇన్నింగ్స్ సెంచరీ హీరోలు శుభమ్‌ శర్మ(30), రజత్‌ పాటిదర్(30*) జట్టును విజయతీరాలకు చేర్చారు.