యాషెస్ సిరీస్లో భాగంగా అడిలైడ్ మైదానంలో ఆస్ట్రేలియా-ఇంగ్లాండ్ మధ్య రెండో టెస్టు జరుగుతోంది. కాగా, ఈ మ్యాచ్ కోసం పనిచేస్తున్న బ్రాడ్కాస్ట్ సిబ్బందిలో ఒకరికి కరోనా పాజిటివ్గా తేలడం ఆటగాళ్లను కలవరపెడుతోంది.
అడిలైడ్ వేదికగా జరుగుతున్న యాషెస్ రెండో టెస్టు కోసం పనిచేస్తున్న బ్రాడ్కాస్ట్ సిబ్బందిలో ఒకరికి కరోనా పాజిటివ్గా తేలిందని తెలియజేస్తున్నాం. ఈ విషయంలో విచారణ జరిపి అతడికి దగ్గరగా ఉన్నవారిని ఐసోలేషన్కు పంపించాం. అలాగే ఆ ప్రదేశాన్నంతటినీ శానిటైజ్ చేశాం” అని అడిలైడ్ మైదాన అధికారులు ఓ ప్రకటన విడుదల చేశారు.
కరోనా సోకిన వ్యక్తితో కాంటాక్ట్లో ఉన్న కారణంగా ఆస్ట్రేలియా కెప్టెన్ ప్యాట్ కమిన్స్ రెండో టెస్టుకు దూరమయ్యాడు. ప్రస్తుతం అతడు ఐసోలేషన్లో ఉన్నాడు. ఈ సిరీస్లో భాగంగా తర్వాతి రెండు మ్యాచ్లు జరగబోయే సిడ్నీ, మెల్బోర్న్లో కేసులు పెరుగుతూ ఉన్నాయి.