టీమ్ఇండియా ఆల్రౌండర్ హార్దిక్ పాండ్యకు గోల్డెన్ ఛాన్స్ దక్కనుంది. ఐపీఎల్లో కొత్త ఫ్రాంఛైజీ అహ్మదాబాద్ జట్టుకు కెప్టెన్గా టీమ్ఇండియా ఆల్రౌండర్ హార్దిక్ పాండ్య వ్యవహరించనున్నాడని సమాచారం. ఐపీఎల్లోని విశ్వసనీయ వర్గాలు ఈ మేరకు వెల్లడించాయి. దీనిపై అధికారిక ప్రకటన రావాల్సి ఉంది.
మరోవైపు ఐపీఎల్ 2022 మెగా వేలం బెంగళూరులో ఫిబ్రవరి రెండో వారంలో జరగనుంది. అది ఫిబ్రవరి 11-13 మధ్య జరగవచ్చని తెలుస్తోంది. మెగా వేలం నేపథ్యంలో గతేడాది నవంబర్లో ప్రస్తుత ఐపీఎల్ ఫ్రాంఛైజీలన్నీ..తాము రీటెయిన్ చేసుకున్న ప్లేయర్ల జాబితా విడుదల చేశాయి. అందులో భాగంగా హార్దిక్ను వదిలేసుకుంది ముంబయి ఇండియన్స్.
కాగా కొద్దికాలంగా హార్దిక్ ఫామ్ లేమితో సతమతమవుతున్నాడు. బ్యాటింగ్ చేస్తున్న బౌలింగ్ చేయలేకపోవడం మైనస్ గా మారింది. దీనితో హార్దిక్ ను పక్కనబెట్టిన సంగతి తెలిసిందే. దాంతో అతని స్థానంలో శార్దూల్ సేవలను వాడుకుంది.