ఐపీఎల్ మెగా వేలం త్వరలో జరగనుంది. రాబోయే సీజన్కు సంబంధించిన ఆటగాళ్ల కొనుగోలు ఫిబ్రవరి తొలివారంలో జరగనున్నట్లు సమాచారం తెలుస్తుంది. రెండు రోజుల పాటు జరిగే ఈ కార్యక్రమానికి హైదరాబాద్ లేదా బెంగళూరు ఆతిథ్యమివ్వనున్నట్లు తెలుస్తోంది.
ఐపీఎల్లో ఆయా ఫ్రాంచైజీలు తాము అట్టిపెట్టుకునే ఆటగాళ్ల జాబితాను ఇప్పటికే ప్రకటించాయి. కొత్త టీమ్లు లక్నో, అహ్మదాబాద్లు కూడా ముగ్గురు చొప్పున ఆటగాళ్లను తమ జట్టులోకి ఎంపిక చేసుకోనున్నాయి. ఫ్రాంచైజీలకు ఐపీఎల్ గవర్నింగ్ కౌన్సిల్ ఇప్పటికే సమాచారం అందించినట్లు తెలుస్తోంది. నిజానికి ఈ మెగా వేలం ఎప్పుడో జరగాల్సింది కానీ అహ్మదాబాద్ ఫ్రాంచైజీపై బీసీసీఐ విచారణ కారణంగా ఆలస్యమైంది.
అహ్మదాబాద్ ఫ్రాంచైజీని బ్రిటీష్ ప్రైవేట్ ఈక్విటీ సీవీసీ క్యాపిటల్స్ పార్టనర్స్ రూ.5625 కోట్లకు కొనుగోలు చేశారు. దీంతో ప్రభుత్వం నుంచి క్లీన్చిట్ వస్తే.. బీసీసీఐ లెటర్ ఆఫ్ ఇంటెంట్ను ఫ్రాంచైజీకి ఇస్తుంది. ఇది క్లియర్ అయితే అహ్మదాబాద్ ఫ్రాంచైజీ కూడా ప్లేయర్స్ను సెలెక్ట్ చేసుకుంటుంది.