ఐపీఎల్ లీగ్లో మరో రెండు కొత్త జట్లు రానున్నాయి. వాటి వేలాన్ని అక్టోబరు 25న నిర్వహించనుంది బీసీసీఐ. కొత్త టీమ్లకు యజమానులు కావడానికి చాలా కంపెనీలు ఆసక్తి చూపిస్తున్నాయి. ఈ క్రమంలో కొత్త జట్లను దక్కించుకునేందుకు అహ్మదాబాద్, లక్నోలు ముందు వరుసలో ఉన్నాయని సమాచారం.
అహ్మదాబాద్ నుంచి అదానీ గ్రూప్ బిడ్డింగ్ చేస్తున్నట్లు తెలుస్తోంది. మరో సంస్థ మాంచెస్టర్ యూనైటెడ్ ప్రీమియర్ లీగ్ లక్నో తరపున బిడ్డింగ్ చేస్తున్నట్లు విశ్వసనీయ వర్గాల సమాచారం. జట్ల మొదటి ధరను రూ.2000 కోట్లుగా బీసీసీఐ ఇప్పటికే ప్రకటించింది. అన్నీ పార్టీలు వేలం జరగనున్న దుబాయ్కి ఇప్పటికే చేరుకున్నాయి.
యూరప్కు చెందిన ప్రముఖ ఫుట్బాల్ క్లబ్ మాంచెస్టర్ యునైటెడ్, ఒడిశాకు చెందిన పవర్, స్టీల్, కోల్ తయారీ సంస్థ, కార్పొరేట్ వెంచర్ క్యాపిటల్(సీవీసీ), అమెరికాకు చెందిన ప్రైవేట్ ఈక్విటీ సంస్థలు ఐపీఎల్ కొత్త జట్లపై కన్నేశాయని తెలుస్తోంది. సీవీసీ ఇప్పటికే ఫార్ములావన్ను సొంతం చేసుకుంది.