ఐపీఎల్ 2022 మార్చి 26వ తేదీ నుంచి ప్రారంభం కానుంది. మే 29న ఫైనల్ జరగనుంది. ఈసారి కొత్తగా మరో రెండు జట్ల ఎంట్రీతో వినోదం పెరగనుంది. మొత్తం పది జట్లు 15వ సీజన్‌లో పాల్గొననున్నాయి. తాజాగా డిఫెండింగ్ ఛాంపియన్స్ చెన్నైసూపర్ కింగ్స్కు భారీ దెబ్బ తగిలింది.
కోట్లు కుమ్మరించి కొనుక్కున్న దీపక్ చాహర్ గాయంతో దూరమవడం.. ఆ జట్టు కూర్పును క్లిష్టతరం చేసింది. వెస్టిండీస్తో జరిగిన టీ20 మ్యాచ్లో అతడి కుడిభుజానికి గాయమైంది. బ్యాటు, బాల్ తోనూ సత్తా చాటగల అతడి స్థానాన్ని భర్తీ చేయడం అంత సులువు కాదు. కానీ, అతడు సీజన్ మొత్తానికి దూరమయ్యే సూచనలు కనిపిస్తున్న వేళ.. సీఎస్కే మరో ముగ్గురిని ప్రత్యామ్నాయంగా భావిస్తున్నట్లు తెలుస్తోంది.
అంతర్జాతీయ కెరీర్లో చాహర్ 20 టీ20 ఆడి 26 వికెట్లు పడగొట్టగా.. 7 వన్డేల్లో 10 వికెట్లు తీశాడు. బ్యాటింగ్లోనూ సత్తా చాటిన చాహర్.. వన్డేల్లో రెండు అర్థశతకాలు సాధించాడు. బౌలర్ దీపక్ చాహర్ గాయం కారణంగా ఐపీఎల్లో సగం మ్యాచ్లకు దూరం కానున్నాడు. అప్పటికి గాయం మనకుంటే పూర్తి ఐపీఎల్ కు దూరం కానున్నాడు.
