అంతర్జాతీయ క్రికెట్ మండలి తాజా టెస్టు ర్యాంకింగ్స్ను బుధవారం విడుదల చేసింది. ఆస్ట్రేలియా యువ బ్యాటర్ మార్నస్ లబుషేన్.. వరల్డ్ నం.1 స్థానాన్ని తొలిసారి కైవసం చేసుకుని రికార్డు సృష్టించాడు. టీమ్ఇండియా మాజీ కెప్టెన్ విరాట్ కోహ్లీ ఏడో స్థానానికి పడిపోయాడు.
యాషెస్లో అద్భుత ప్రదర్శన చేస్తున్న ఆసీస్ బ్యాటర్ లబుషేన్(912 పాయింట్ల).. జోరూట్ను(897) వెనక్కి నెట్టి అగ్రస్థానానికి చేరుకున్నాడు. చివరగా న్యూజిలాండ్తో రెండో టెస్టు ఆడిన కోహ్లీ.. ఓ స్థానం దిగజారి ఆరు నుంచి ఏడుకు పడిపోయాడు. రోహిత్ శర్మ.. ఐదో స్థానంలోనే కొనసాగుతున్నాడు. బౌలర్ల విభాగంలో అశ్విన్.. రెండులోనే ఉన్నాడు.
టీ20 బ్యాటర్ ర్యాంకింగ్స్లో బాబర్ ఆజామ్ తిరిగి నం.1 స్థానాన్ని కైవసం చేసుకున్నాడు. గత వారం వెస్టిండీస్తో టీ20ల్లో వరుసగా 0,7 స్కోర్లు చేసిన బాబర్.. అగ్రస్థానాన్ని కోల్పోయాడు. మళ్లీ వారంలోనే దానిని తిరిగి దక్కించుకున్నాడు.