ఆస్ట్రేలియా టెస్టు కెప్టెన్గా స్టీవ్ స్మిత్ మరోసారి ఎంపికయ్యే అవకాశాలు ఎక్కువగా కనిపిస్తున్నాయి. ఇటీవల టిమ్ పైన్..సుదీర్ఘ ఫార్మాట్ సారథ్య బాధ్యతల నుంచి తప్పుకోగా కొత్త కెప్టెన్ను ఎంపిక చేసేందుకు ఆసీస్ క్రికెట్ బోర్డు ఆలోచనలు మొదలు పెట్టింది. ఈ బాధ్యతలు స్వీకరించేందుకు స్మిత్ కూడా రేసులో ఉన్నట్లు ఓ అధికారి తెలిపారు.
ఓ మహిళతో అసభ్యకర చాటింగ్ చేశాడంటూ ఇటీవల టిమ్ పైన్ పై ఆరోపణలు వచ్చాయి. అవి నిజమేనంటూ ఒప్పుకొంటూ తన టెస్టు కెప్టెన్సీకి రాజీనామా ప్రకటించాడు పైన్. దీనితో ఆస్ట్రేలియా కొత్త కెప్టెన్ ను వెతికే పనిలో పడింది.
ప్రస్తుతం ఆస్ట్రేలియా టెస్టు జట్టుకు వైస్ కెప్టెన్గా ఉన్నాడు పేసర్ ప్యాట్ కమిన్స్. దీంతో ఇతడికే సారథ్య బాధ్యతలు అప్పగించే అవకాశం ఉందని మరికొందరు అభిప్రాయపడుతున్నారు. అలాగే ఇతడికి సహకరించేందుకు స్మిత్ ను వైస్ కెప్టెన్గా ఎంపిక చేస్తారని వార్తలు వస్తున్నాయి.