2022 టీ20 ప్రపంచకప్కు వేదికలు ఖరారయ్యాయి. ఆస్ట్రేలియా వేదికగా జరగనున్న ఈ మెగాటోర్నీ మ్యాచ్లను ఆస్ట్రేలియాలోని ఏడు ప్రధాన నగరాల్లో నిర్వహించనున్నారు. వీటిలో మెల్బోర్న్, సిడ్నీ, బ్రిస్బేన్, పెర్త్, అడిలైడ్, గీలాంగ్, హోబర్ట్ ఉన్నాయి.
45 మ్యాచ్లతో కూడిన ఈ మెగాటోర్నీ అక్టోబర్ 16 నుంచి నవంబరు 13 వరకు జరగనుంది. నవంబరు 9, 10 తేదీల్లో జరగనున్న సెమీఫైనల్ మ్యాచ్లను సిడ్నీ, అడిలైడ్ వేదికగా జరగుతాయి. ఫైనల్ మ్యాచ్ను మెల్బోర్న్ క్రికెట్ గ్రౌండ్లో నిర్వహించనున్నారు.
ఈ మెగాటోర్నీ కోసం ఐసీసీ టీ20 ర్యాంకింగ్స్లో మొదటి ఎనిమిది స్థానాల్లో ఉన్న ఆస్ట్రేలియా, న్యూజిలాండ్, అఫ్గానిస్థాన్, బంగ్లాందేశ్, ఇంగ్లాండ్, టీమ్ఇండియా, పాకిస్థాన్, దక్షిణాఫ్రికా జట్టు నేరుగా సూపర్ 12 దశలోకి అర్హత సాధించాయి. మిగిలిన నాలుగు స్థానాల కోసం క్వాలిఫైయింగ్ మ్యాచ్లు జరుగుతాయి.