డెక్కన్ గ్లాడియేటర్స్ తొలిసారి అబుదాబి టీ10 టైటిల్ను ముద్దాడింది. ఈ సీజన్ ఫైనల్లో దిల్లీ బుల్స్పై 56 పరుగుల తేడాతో గ్లాడియేటర్స్ గెలుపొందింది. ఆండ్రీ రసెల్ ధనాధన్ ఇన్నింగ్స్తో తొలిసారి అబుదాబి టీ10 ట్రోఫీని తన ఖాతాలో వేసుకుంది.
టాస్ ఓడి బ్యాటింగ్కు దిగిన డెక్కన్లో ఓపెనర్లు రసెల్ (32 బంతుల్లో 90; 9X4, 7×6), కాడ్మోర్ (28 బంతుల్లో 59; 3×4, 5×6) ధనాధన్ ఇన్నింగ్స్ ఆడారు. వీరిద్దరూ కలిసి 159 పరుగుల అజేయ భాగస్వామ్యాన్ని నెలకొల్పారు. దీంతో నిర్ణీత ఓవర్లలో వికెట్ నష్టపోకుండా 159 పరుగులు చేశారు.
160 పరుగుల లక్ష్యంతో బరిలోకి దిగిన దిల్లీ బుల్స్ నిర్ణీత 10 ఓవర్లలో 7 వికెట్లు కోల్పోయి 103 పరుగులకే పరిమితమైంది. బ్యాటర్లలో చంద్రపాల్ హేమ్రాజ్(42) టాప్ స్కోరర్గా నిలిచాడు. మిగతా వారు విఫలమైపోయారు. డెక్కన్ బౌలర్లలో ఒడియన్ స్మిత్ 2, వనిందు హసరంగా 2, టైమల్ మిల్స్ 2, ఆండ్రూ రసెల్ ఓ వికెట్ను దక్కించుకన్నారు.
