సాధారణంగా ఒక మనిషి శరీరానికి రోజుకు 8 నుండి 12 గ్లాసుల నీళ్లు అవసరం. శరీరానికి సరిపడా మంచినీళ్లు తాగితే ఆరోగ్యం పది కాలాలపాటు బాగుంటుంది. శరీరంలో మినరల్స్, విటమిన్లు అవయవాలకు సరఫరా చేయటంలో నీళ్లు ముఖ్యపాత్ర పోషిస్తాయి. తరచుగా నోరు ఆరిపోతున్నా, చెమట పట్టకపోయినా, కళ్లు పొడిబారినా, ఎర్రగా మారినా సరిగా నీళ్లు తాగడం లేదని గుర్తించాలి.
శరీరానికి సరిపడా నీళ్లు తీసుకుంటే జీర్ణ సమస్యలు, చర్మ సమస్యలు ఉండవు. అలానే నీళ్ల వలన ఎనర్జీ లెవెల్స్ కూడా ఎక్కువగా ఉంటాయి. అయితే హైడ్రేట్ గా ఉండి డీహైడ్రేషన్ లేకుండా ఉంటే ఈలాంటి ప్రయోజనాలు పొందవచ్చు.
నీళ్లు ఎక్కువ తాగడం వల్ల ఒళ్ళు చల్లగా ఉంటుంది. లేదంటే ఎన్నో ఇబ్బందులు ఎదుర్కోవాల్సిన పరిస్థితి వస్తుంది. అలానే నీళ్లు బాగా తీసుకోవడం వల్ల జాయింట్ పెయిన్స్ వంటివి ఉండవు.
రోగనిరోధక శక్తి పెంపు
శరీరానికి సరిపడా నీళ్ళు తీసుకోవడం వల్ల రోగ నిరోధక శక్తి కూడా పెరుగుతుంది. అలాగే తలనొప్పి, నీరసం వంటివి కూడా తగ్గిపోతాయి. చూశారు కదా సరిపడా నీళ్లు తీసుకోవడం వల్ల ఎన్ని లాభాలో. మరి ఆ విధంగా ఆ నీళ్ళను ఎక్కువగా తీసుకుంటూ సమస్యల నుంచి బయట పడండి. లేదంటే ఇబ్బందులు ఎదుర్కోవాల్సి వస్తుంది.
నీళ్ళు తీసుకోవడం వల్ల నోరు ఆరి పోకుండా ఉంటుంది. గొంతు, పెదాలు కూడా ఎండిపోకుండా ఉంటాయి. నోరు ఎండి పోతే చెడు శ్వాస వస్తుంది. క్యావిటీలకి కూడా దారి తీస్తుంది. కాబట్టి సరిపడా నీళ్లు తీసుకోవడం చాలా ముఖ్యం.
డీహైడ్రేషన్ వల్ల బ్లడ్ వాల్యూమ్ తగ్గిపోతుంది. దీంతో గుండె రక్తాన్ని పంప్ చేయడంలో కష్టపడుతుంది. దీంతో ఎన్నో ఇబ్బందులు ఎదుర్కోవాల్సి వస్తుంది.