బ్లాక్బెర్రీ ఫోన్ కు జనవరి 4 చివరి రోజు కానుంది. ఆ తరువాత ఈ సంస్థకు సంబంధించిన సేవలు నిలిచిపోనున్నట్లు తెలుస్తుంది. దీనితో ఈ సంస్థ అందిస్తున్న బ్లాక్బెర్రీ ఓఎస్, బ్లాక్ బెర్రీ ప్లే బుక్ ఓఎస్ సేవలు ఇకపై ఆగిపోనున్నాయి.
ప్రస్తుతం బ్లాక్బెర్రీ వినియోగదారులు ఓఎస్ 7.1, బీబీ10 ను ఉపయోగిస్తున్నట్లైతే జనవరి 4 నుంచి కనీసం ఫోన్ చేయడం, మెసేజ్లు చేయడం, ఎమర్జెన్సీకాల్స్ చేయడం లాంటివి సేవలను కూడా వినియోగించుకోలేరని తెలుస్తోంది.
వైఫై, మొబైల్ డేటాతో ఇంటర్నెట్ను ఉపయోగించుకోవాలి అనుకుంటే అవి కూడా కొద్దికాలానికి మాత్రమే పరిమితం అవుతాయని లిలిపుటింగ్ తెలిపింది. బ్లాక్బెర్రీ అందిస్తున్న బ్లాక్బెర్రీ లింక్, బ్లాక్బెర్రీ డెస్క్టాప్ మేనేజర్, బ్లాక్బెర్రీ ప్రొటెక్ట్, బ్లాక్బెర్రీ మెసెంజర్, బ్లాక్బెర్రీ బ్లెండ్ లాంటి సేవలు కూడా త్వరలోనే నిలిచిపోతాయని స్పష్టం చేసింది.
బ్లాక్బెర్రీ నుంచి గతేడాది విడుదలైన ఏడు అంగుళాల ట్యాబ్లెట్ బ్లాక్బెర్రీ ప్లేబుక్ సేవలు కూడా నిలిచిపోనున్నాయి. అయితే ఈ ఫోన్ను ఉపయోగించే వారు తమ డేటాను జాగ్రత్తగా భద్రపరుచుకునేందుకు బ్లాక్బెర్రీ అధికారిక పేజీలోని ప్రశ్నలు సమాధానాలను ఓ సారి చూడాలని సంస్థ సూచించింది.