నీళ్లు ఎంత ఎక్కువగా తాగితే ఆరోగ్యానికి అంత మంచిది. అయితే పసుపు నీళ్లు తాగడం వల్ల బోలెడు లాభాలున్నాయట. పసుపునీళ్ళలో యాంటీఆక్సిడెంట్స్, యాంటీ ఏజింగ్ , యాంటీ ఇన్ఫ్లమేటరీ లక్షణాలు అధికంగా ఉండి శరీరానికి మేలు చేస్తాయి. కేవలం ఆరోగ్యాన్ని కాపాడడమే కాకుండా..వివిధ చర్మ సంబంధిత సమస్యలను కూడా తొలగిస్తుంది.
పసుపులో యాంటి బ్యాక్టీరియల్ గుణాలు, యాంటీ ఫంగల్ గుణాలు అధికంగా ఉంటాయి. అందుకే పరగడుపున నీళ్ళలో పసుపు వేసుకుని తాగడం వల్ల చాలా సమస్యలుకి పరిష్కారం దొరుకుతుందని ఆరోగ్యనిపుణులు అంటున్నారు. ఇలా రోజు చేయడం వల్ల రోగనిరోధక శక్తి పెరగడంతో పాటు..దగ్గు, జలుబు వంటి సమస్యలను కూడా ఇది తరిమికొడుతుంది.
ముఖ్యంగా జీర్ణ సమస్యలతో బాధపడేవారు, అలానే బరువు తగ్గి ఫిట్ గా ఉండాలనుకునేవారు పరగడుపున పసుపు నీళ్ళు తాగడం వల్ల మంచి ఫలితాలు లభిస్తాయి. ఇంకా ఒంట్లో ఉండే చెడు పదార్థాలను తొలగించడానికి పసుపు బాగా ఉపయోగపడుతుంది. ఇన్ని లాభాలు ఉన్న పసుపును రోజు వంటల్లో ఉపయోగించి అన్ని ఆరోగ్య సమస్యలకు చెక్ పెట్టండి..
