గత ఏడాది చివరన బిగ్ బాస్ తెలుగు సీజన్ 4 ముగిసింది.. అయితే తాజాగా సీజన్ 5 గురించి ఇప్పుడు అందరూ మాట్లాడుకుంటున్నారు.. అయితే గత సీజన్ కరోనా వల్ల ఆలస్యంగా స్టార్ట్ అయింది, కాని తాజాగా మాత్రం ఈసారి ఇంకా ముందు స్టార్ట్ చేస్తారు అని తెలుస్తోంది, ఈ ఏడాది మే తర్వాత ఈ సీజన్ 5 ప్రారంభం అవ్వచ్చు అంటున్నారు…ముఖ్యంగా ఈ షోకి గత మూడు సీజన్ల కంటే మరింత హైప్ వచ్చింది.
తాజాగా సీజన్ 5 కి ఏర్పాట్లు జరుగుతున్నాయట…ఈ సీజన్కి కూడా నాగార్జున వ్యాఖ్యతగా ఉండబోతున్నట్లు సమాచారం. అలాగే హౌజ్ నుంచి బయటకు వచ్చిన వారిని సొహైల్ ఇంటర్వ్యూ చేయబోతున్నట్లు వార్తలు వినిపిస్తున్నాయి, ఇక గత సీజన్ లో రాహుల్ అందరిని ఇంటర్వ్యూ చేశారు ఇప్పుడు సోహెల్ కు ఈ ఛాన్స్ వస్తుందట.
సీజన్ 5 కు సంబంధించి కంటెస్టెంట్లను ఫైనల్ చేసే పనిలో నిర్వాహకులు బిజీగా ఉన్నారని వార్తలు వినిపిస్తున్నాయి.. ఈసారి సీనియర్ నటులకి కూడా ఛాన్స్ ఇస్తారట, అంతేకాదు ఇప్పటికే ఓ లేడీ సింగర్ తో మాట్లాడినట్లు వార్తలు వినిపిస్తున్నాయి. ఇక ఢీ నుంచి ఒకరు, జబర్ధస్త్ నుంచి మరొకరిని కూడా ఫైనల్ చేశారు అని బుల్లితెర వర్గాలు మాట్లాడుకుంటున్నాయి.
